Mamlaka ya Serikali Mtandao

Mfumo wa Baruapepe Serikalini(gms)

Mfumo wa Baruapepe Serikalini (GMS) ni mfumo salama wa mawasiliano na kubadilishana taarifa Serikalini. GMS ina mionekano miwili tofauti kwa mteja ambayo ni tovuti na desktop. Kwa kutumia mwonekano wa tovuti, masharti yanayotakiwa ni kivinjari kwenye kitumi kilichounganishwa na intaneti. Desktop ya mteja inahitaji mteja mwenye baruapepe pia lakini hii inadhibitiwa sana na kutumiwa tu na baadhi ya taasisi kutokana na sababu za kiusalama.

Usanifu na Utengenezaji: Mamlaka ya Serikali Mtandao

Usimamizi: Unaendeshwa na Unasimamiwa na Mamlaka ya Serikali Mtandao

Mfumo wa Ofisi Mtandao (GeOS

Mfumo wa Ofisi Mtandao umetengenezwa ili kuwezesha na kurahisisha shughuli za utawala za kila siku ndani ya Serikali. Shughuli hizo zinahusu mzunguko wa mafaili na nyaraka ndani na miongoni mwa taasisi za umma.

Usanifu na Utengenezaji: Mamlaka ya Serikali Mtandao kwa ushirikiano na Idara ya Kumbukumbu na Nyaraka za Taifa.

Usimamizi: Unasimamiwa na Mamlaka ya Serikali Mtandao na Unaendeshwa na Taasisi husika kwa kuongozwa na Idara ya Kumbukumbu na Nyaraka za Taifa.

Mfumo wa Arafa Serikalini

Mfumo huu unatoa fursa kwa taasisi za Umma kufikisha huduma zake kwa njia ya arafa kwa wananchi wote.

Usanifu na Utengenezaji: Mamlaka ya Serikali Mtandao

Usimamizi: Unaendeshwa na Unasimamiwa na Mamlaka ya Serikali Mtandao

Mfumo wa Malipo ya Serikali Kielektroni (GePG)

Mfumo wa Malipo ya Serikali Kielektroni (GePG) mfumo huu umeunganisha huduma zote za malipo ili kuwezesha kushughulikia miamala ya malipo iliyofanywa kielektroni kwa Serikali na hivyo kuboresha uwazi na udhibiti katika makusanyo ya mapato ya Serikali.

Usanifu na Utengenezaji: Mamlaka ya Serikali Mtandao kwa kushirikiana na Wizara ya Fedha na Mipango

Usimamizi: Unasimamiwa na Mamlaka ya Serikali Mtandao na unaendeshwa na Wizara ya Fedha na Mipango

Mfumo Shirikishi wa Kusimamia Utendaji Kazi na Rasilimali za Taasisi (ERMS)

Mfumo huu unatumika kusimamia shughuli za ndani ya taasisi na kuboresha utendaji kazi, kusimamia matumizi mazuri ya rasilimali na kuweza kubadilishana taarifa miongoni mwa Idara/Vitengo ili kuoengeza ufanisi, kupunguza gharama za uendeshaji na kutoa huduma bora kutumia moduli 18 zinazowasiliana na kuunganisha shughuli za Idara na Vitengo.

Usanifu na Utengenezaji: Mamlaka ya Serikali Mtandao.

Usimamizi: Unasimamiwa na Mamlaka ya Serikali Mtandao na Unaendeshwa na Taasisi husika

Mfumo wa Vibali vya Kusafiria

Mfumo wa Vibali vya Kusafiria ni mfumo wa kimtandao unaojiendesha wenyewe uliotengenezwa kwa ajili ya Serikali ya Jamhuri ya Muungano wa Tanzania ili kuwawezesha waajiriwa wa Serikali na watumishi wote wa Umma kuomba kibali cha kusafiri nje ya nchi kwa safari binafsi au za kikazi kwa mtu binafsi au kikundi.

Usanifu na Utengenezaji: Mamlaka ya Serikali Mtandao.

Usimamizi: Unaendeshwa na Unasimamiwa na Mamlaka ya Serikali Mtandao

Mfumo wa Usimamizi wa Mafunzo na Semina (TSMS)

Mfumo wa Usimamizi wa Mafunzo na Semina (TSMS) umetengenezwa kwa ajili ya utunzaji kumbukumbu, kutoa taarifa za mafunzo na kufuatilia taarifa za wakurufunzi na wakufunzi zinazohusu mafunzo, semina, warsha,mikutano ya mwaka na vikao vya bidhaa na huduma za Mamlaka ya Serikali Mtandao.

Usanifu na Utengenezaji: Mamlaka ya Serikali Mtandao.

Usimamizi: Unaendeshwa na Unasimamiwa na Mamlaka ya Serikali Mtandao

Tovuti Kuu ya Serikali

Tovuti Kuu ya Serikali ni kituo kimoja cha upatikanaji wa taarifa na huduma zinazotolewa na Taasisi za Ummaa. Maudhui ya tovuti hii yapo katika lugha za Kiswahili na Kiingereza na yamegawanyika kwenye sehemu saba ambazo ni: Serikali, Wananchi, Taifa Letu, Biashara, Mambo ya Nje, Matangazo na Nifanyeje.

Wananchi wanaweza kupata nyaraka zenye maudhui mbalimbali ikiwemo fomu, wasifu za viongozi na kupitia huduma za simu za mkononi na huduma mtandao kwenye tovuti unaweza kupata huduma mtandao zinazotolewa na Taasisi za Umma.

Usanifu na Utengenezaji: Mamlaka ya Serikali Mtandao

Usimamizi: Unasimamiwa na Mamlaka ya Serikali Mtandao na Unaendeshwa na Wizara ya Habari Utamaduni Sanaa na Michezo.

Mfumo wa Huduma kwa Wateja

Ni mfumo unaowezesha kupokea masula ya kiufundi na kutoa msaada wa kiufundi wa TEHAMA kwa Taasisi za Umma. Mfumo unajumuisha shughuli zote za msaada wa kiufundi za TEHAMA zikiwemo utoaji wa taarifa na ufuatiliaji wa maombi au matukio yaliyoripotiwa. Mfumo huu huwezesha mawasiliano baina ya Taasisi zote za Umma (G2G).

Usanifu na Utengenezaji: Mamlaka ya Serikali Mtandao.

Usimamizi: Unaendeshwa na Unasimamiwa na Mamlaka ya Serikali Mtandao

Imetengenezwa na Mamlaka, inasimamiwa na kuendeshwa na Mamlaka ya Serikali Mtandao (Shared Systems);

Mfumo wa Usimamazi wa Miradi ya TEHAMA Serikalini (GIP)

Mfumo wa Usimamazi wa Miradi ya TEHAMA Serikalini ni mfumo unaopokea na kutunza taarifa za miradi ya TEHAMA iliyopo na inayotarajiwa kuanzishwa serikalini. Lengo la mfumo huu ni kuhakikisha kuwa uratibu na usimaizi wa miradi ya TEHAMA serikalini unafanyika kwa ufanisi kwa kufuta Miongozo na Viwango vilivyowekwa.

Usanifu na Utengenezaji: Mamlaka ya Serikali Mtandao.

Usimamizi: Unaendeshwa na Unasimamiwa na Mamlaka ya Serikali Mtandao

Imetengenezwa,kuendeshwa na Mamlaka ya Serikali Mtandao

Mfumo wa Tiketi Mtandao

Mfumo wa Tiketi unawezesha ukusanyaji, uchambuzi, utoaji taarifa na ufuatiliaji wa mchakato wa taarifa za abiria. Mfumo unawezesha kuweka nafasi ya safari, ufuatiliaji wa mauzo ya tiketi kwa kila stesheni. Mfumo huu una moduli za Tiketi, Maagizo ya Mizigo, Meli, Mahali, Njia, POS na Bili.

Usanifu na Utengenezaji: Mamlaka ya Serikali Mtandao.

Usimamizi: Unasimamiwa na Mamlaka ya Serikali Mtandao na Unaendeshwa na Shirika la Reli Tazania.

Imetengenezwa, kuendeshwa na Mamlaka ya Serikali Mtandao

Mfumo wa Usimamizi wa Taarifa za Bodi ya Usajili wa Wahandisi

Mfumo wa Usimamizi wa Taarifa za Bodi ya Usaji wa Wahandisi umetengenezwa kuwezesha mamlaka ya bodi kusajili, kusimamia maendeleo ya kitaalamu ya wahandisi. Mfumo huu una moduli kuu zinazohusu Wanachama, Kampuni, Maabara za Utafiti, Miradi, Bili, uendelezaji wa wataalamu, mpango wa uendelezaji wa wahandisi wanagenzi na mitihani ya uhandisi.

Usanifu na Utengenezaji: Mamlaka ya Serikali Mtandao.

Usimamizi: Unasimamiwa na Mamlaka ya Serikali Mtandao na Unaendeshwa na Bodi ya Usajili wa Wahandisi.

Mfumo wa Usimamizi wa Mitihani na Wanachama (MEMS)

Mfumo wa Usimamizi wa Mitihani na Wanachama unawezesha maombi na usajili wa watahiniwa, wanachama, kampuni na waendesha mafunzo na kusimamia malipo na mwenendo wa kazi za Wakaguzi, Wahasibu na kampuni za ukaguzi na uhasibu.

Mfumo huu una moduli za Wanachama, Kampuni, Wandesha Mafunzo, Mitihani, Watahiniwa, Misamaha, Uzoefu Kazini, Matukio, Programu za Mafunzo, Udhibiti, Ajira, CPD, Maswali, Banki na Bili.

Usanifu na Utengenezaji: Mamlaka ya Serikali Mtandao.

Usimamizi: Unasimamiwa na Mamlaka ya Serikali Mtandao na Unaendeshwa na Bodi ya Taifa ya Wahasibu na Wakaguzi wa Hesabu Tanzania (NBAA).

Mfumo wa Kukokotoa bei za Bidhaa za Mafuta ya Petroli

Mfumo wa Kukokotoa bei za Bidhaa za Mafuta ya Petroli umetengenezwa ili kusimamia mchakato wa kupata bei elekezi za mafuta unaohusu ukusanyaji data na uhifadhi, ukokotoaji wa bei elekezi, mapitio na uidhinishji na uhifadhi wa bei elekezi, upataji na usambazaji/ uchapishaji.

Usanifu na Utengenezaji: Mamlaka ya Serikali Mtandao.

Usimamizi: Unasimamiwa Mamlaka ya Serikali Mtandao na Unaendeshwa na Mamlaka ya Udhibiti wa Huduma za Nishati na Maji (EWURA).

Umetengenezwa na kusimamiwa na Mamlaka ya Serikali Mtandao

Mfumo wa Usajili wa Wataalamu wa Lugha

Mfumo wa Usajili wa Wataalamu wa Lugha unawawezesha wataalamu wa luhga kujisajili mtandaoni na kutunza kumbukumbu za hazina data ya wataalamu wa lugha waliyosajiliwa.

Usanifu na Utengenezaji: Mamlaka ya Serikali Mtandao.

Usimamizi: Unasimamiwa na Mamlaka ya Serikali Mtandao na Unaendeshwa na Baraza la Kiswahili la Taifa (BAKITA).

Umetengenezwa na kusimamiwa na Mamlaka ya Serikali Mtandao