Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

ZUHURA MWINDI: MFANYAKAZI BORA WA e-GA MWAKA 2024

May 03, 2024

Mamlaka ya Serikali Mtandao (e-GA), imemtangaza Msaidizi wa Mtendaji Mkuu Bi. Zuhura Mwindi, kuwa mfanyakazi bora wa Mamlaka kwa mwaka 2024, baada ya kuibuka mshindi kwa kupata kura nyingi dhidi ya washindani wengine.

Uchaguzi wa mfanyakazi bora wa Mamlaka ulifanyika April 25 mwaka huu, baada ya kuwashindanisha wafanyakazi bora 10 kutoka katika Idara na vitengo na kisha Menejimenti kupiga kura ili kumpata mfanyakazi bora wa Mamlaka kwa mwaka wa fedha 2023/2024.

Akizungumza wakati wa zoezi la uchaguzi, Meneja Rasilimaliwatu na Utawala Bw. Erick Kalembo alisema kuwa, orodha ya wafanyakazi bora wa Idara na Vitengo ilipatikana baada ya kufanyika uchaguzi wa ndani kwa kila Idara na vitengo na kisha orodha hiyo kuwasilishwa Idara ya Huduma na Uwezeshaji.

“Tumepokea orodha ya wafanyakazi bora kutoka kila Idara na Vitengo ambapo watumishi wa maeneo husika walipiga kura huru na sasa ni wakati wa sisi Menejimenti kupiga kura ili tuweze kumpata Mfanyakazi bora wa taasisi ”, alisema Bw. Kalembo.

Kwa upande wake Mkurugenzi Mkuu wa e-GA Mha. Benedict Ndomba, alisema kuwa e-GA inatambua na kuthamini mchango wa watumishi wake wote katika kufikia malengo ya taasisi na kuwa, uchaguzi wa mfanyakazi bora ni motisha kwa wafanyakazi wote kuendelea kufanya kazi vizuri zaidi na kwa weledi..

“Watumishi wote wa e-GA ni bora na ndiomaana taasisi huweza kufikia malengo iliyojiwekea kila mwaka kwa mujibu wa mpango mkakati wa Mamlaka wa mwaka 2021/2022 – 2025/2026 kwani kila mtumishi hufanya kazi kwa bidii, hivyo niwapongeze sana watumishi wote wa e-GA” alisema Ndomba.

Aidha, Ndomba aliitaka Menejimenti kuwapima watumishi wote bora waliochaguliwa kwa kila Idara na Vitengo na kisha kupiga kura kwa uwazi na kumchagua mfanyakazi bora wa Mamlaka, kwa kuzingatia vigezo vilivyopo bila upendeleo wa aina yeyote.

Uchaguzi huo ulifanyika kwa njia ya mtandao ‘online’ kupitia Mfumo wa Kidijitali wa uendeshaji vikao wa e-Mikutano ambapo Menejimenti ilipiga kura na kupata wafanyakazi bora watatu (3) walioingia tatu bora na hatimaye kumpata mfanyakazi bora wa taasisi.

Walioingia tatu bora ni Bi. Zuhura Mwindi aliyeshika nafasi ya kwanza akifuatiwa na Afisa TEHAMA Darwin King'ani kutoka Idara ya Huduma za TEHAMA na Afisa TEHAMA Stanslaus Kayombo kutoka Idara ya Miundombinu na Uendeshaji aliyeshika nafasi ya tatu.

Naye Mfanyakazi bora wa Mamlaka kwa mwaka 2024 Bi. Zuhura Mwindi, aliishukuru Mamlaka kwa kumchagua na kutambua jitihada zake katika utendaji kazi na kwamba ushindi huo umeongeza chachu ya kufanya kazi kwa ufanisi na bidii zaidi.

Aidha, Bi. Zuhura aliwashukuru watumishi wa Idara ya Huduma za Uendeshaji kwa ushirikiano na kutambua mchango wake katika Idara uliopelekea kuibuka mshindi wa Idara hiyo na hatimaye kuwa mfanyakazi bora wa taasisi.

“Ninaishukuru sana Menejimenti na watumishi wenzangu wa e-GA kwa kutambua na kuthamini jitihada zangu, niwatie moyo watumishi wenzangu kuendelea kufanya kazi kwa bidii na kwa kujituma ili kuweza kufikia malengo ya Taasisi” Alisema Bi. Mwindi.