Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

ZINGATIENI SHERIA YA SERIKALI MTANDAO MNAPOFANYA UKAGUZI WA MIFUMO YA TEHAMA: MWAMNYASI

Sep 26, 2024

Wakaguzi wa Ndani katika taasisi na mashirika ya umma wametakiwa kuzingatia Sheria, Kanuni, Viwango na Miongozo ya Serikali Mtandao katika ukaguzi wa miradi na mifumo ya TEHAMA ili kulinda thamani halisi ya fedha za Serikali katika miradi hiyo.

Rai hiyo imetolewa jana na Mkurugenzi wa Ndani Mkuu wa Serikali Msaidizi anayeshughulikia Wizara, Idara zinazojitegemea na Mamlaka za Serikali, kutoka Ofisi ya Mkaguzi Mkuu wa Ndani wa Serikali (IAG) Bw. Paison Mwamnyasi, wakati akifungua mafunzo ya awamu ya saba kuhusu Sheria, Kanuni, Viwango na Miongozo ya Serikali Mtandao kwa Wakaguzi wa Ndani wa Serikali yanayofanyika mkoani Morogoro.

Alisema kuwa, lengo la mafuinzo hayo ni kuwajengea uwezo Wakaguzi wa Ndani katika ukaguzi wa mifumo na miradi mbalimbali ya TEHAMA Serikalini, ili kuhakikisha miradi na mifumo yote ya TEHAMA katika taasisi za umma inazingatia Sheria, Kanuni, Viwango na Miongozo ya Serikali Mtandao kuanzia hatua za awali hadi za mwisho za ujenzi wa miradi hiyo.

“Wakaguzi wa Ndani mnapaswa kuhakikisha kuwa taasisi zenu zinazingatia matakwa ya kisheria katika Miradi na Mifumo ya TEHAMA, ikiwa ni pamoja na miradi hiyo kuwasilishwa e-GA ili kupata kibali kabla ya kuanza utekelezaji wake”, alisema Bw. Mwamnyasi.

Alisisitiza kuwa, kaguzi zote za mifumo zinapaswa kufanyika kwa vitendo na sio kwa nadharia na hivyo, ni wajibu wa Maofisa hao kuwa na uelewa kuhusu Sheria, Kanuni, Viwango na Miongozo ya Serikali Mtandao ili waweze kufanya kaguzi za mifumo ya TEHAMA kwa ufanisi na weledi.

Kwa upande wake, Mkurugenzi wa Udhibiti na Usalama wa TEHAMA kutoka Mamlaka ya Serikali Mtandao (e-GA) Bw. Sylvani Shayo, alisema kuwa mafunzo hayo yanalenga kuwajengea uwezo Wakaguzi wa Ndani ili kuongeza ufanisa katika utendaji kazi wao na kushiriki katika ujenzi wa Serikali Mtandao.

“Tunatarajia kuwa, baada ya kupata mafunzo haya, Wakaguzi wote wa Ndani mliopo hapa mtakuwa mabalozi wazuri wa Sheria, Viwango na Miongozo ya Serikali Mtandao na mtatoa ushauri chanya wenye tija katika taasisi zenu ili kwa pamoja tuweze kuijenga Serikali Mtandao”, alisema Bw.Shayo.

Mafunzo hayo ya siku nne yameratibiwa na Mamlaka ya Serikali Mtandao (e-GA) kwa kushirikiana na Ofisi ya Mkaguzi Mkuu wa Ndani wa Serikali (IAG) yanalenga kuwajengea uwezo Wakaguzi wa Ndani katika kutekeleza majukumu yao kwa ufasaha zaidi ambapo jumla ya Wakaguzi wa Ndani 70 kutoka taasisi na mashirika ya umma 49 wanapata mafunzo hayo.