Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

WIZARA YA AFYA KUENDELEZA USHIRIKIANO NA e-GA

Aug 17, 2023

Katibu Mkuu Wizara ya Afya Dkt.Seif Shekalaghe, amesema kuwa Wizara hiyo itaendelea kuimarisha ushirikiano na Mamlaka ya Serikali Mtandao (e-GA), ili kuhakikisha mifumo yote ya TEHAMA ya kutolea huduma za afya inakidhi matakwa ya Sheria na viwango vya Serikali Mtandao.

Dkt. Seif alitoa kauli hiyo juzi jijini Dodoma, wakati wa uzinduzi wa Kituo cha Umahiri katika masuala ya afya ya Kidigitali (CDH), ambacho kinalenga kuhakikisha utoaji wa huduma za afya kidijitali unaimarika ili kumrahisishia mwananchi kupata huduma hizo kwa haraka zaidi mahali alipo.

Alifafanua kuwa, Wizara hiyo imedhamiria kuhakikisha mifumo yote ya afya inasomana kwa wakati mmoja ili kuweza kuboresha huduma za afya na kuwataka wataalamu wa TEHAMA katika Wizara hiyo kukitumia vema kituo hicho ili kufikia malengo ya Wizara ya kuimarisha utoaji wa huduma za afya kidijitali.

“Kupitia kituo hiki, Wizara inataka kuona huduma za afya zinaimarika na taarifa zote za afya kutoka hospitali zote zinasomana kwa wakati mmoja ili kila muhusika aweze kuona kwa wakati, lakini pia kiongozi yeyote anayetaka kufahamu idadi ya madaktari bingwa hahitaji kukupigia simu bali anachotakiwa ni kuingia tu kwenye mfumo na kupata taarifa za wakati huo”alisema.

Aliongeza kuwa, Mamlaka ya Serikali Mtandao (e-GA) imekuwa na ushirikiano mkubwa kwa Wizara hiyo kwenye eneo la TEHAMA katika kuhakikisha mifumo iliyopo inapungua na kuwa na mifumo michache inayobadilishana taarifa, hali ambayo itasaidia kwa kikubwa kuongezeka kwa ufanisi wa utendaji kazi katika Wizara na utoaji wa huduma kwa wananchi.

Alisistiza kuwa, kituo hicho kitumiwe kwa ushirikiano na wadau mbalimbali ikiwemo Mamlaka ya Serikali Mtandao ili kuhakikisha wataalamu wazawa wanatumia vema ujuzi wao katika mazingira mazuri zaidi ili kutengeneza mifumo ya TEHAMA yenye tija kwa Serikali na wananchi katika kuimarisha utoaji wa huduma za afya kidijitali.

Mwakilishi wa e-GA ambaye pia ni Meneja Udhibiti wa viwango vya Serikali Mtandao Bi. Sultana Seiff, alisema kuwa Mamlaka ya Serikali Mtandao itaendelea kushirikiana na Wizara ya Afya ili kuhakikisha mifumo ya TEHAMA inayotumika katika sekta ya afya inakuwa thabiti na salama ili kuongeza ufanisi.

Alisisitiza kuwa, Mamlaka itahakikisha mifumo yote ya sekta ya Afya inakidhi viwango vya Serikali Mtandao vilivyowekwa lakini pia inazingatia usiri wa taarifa za wagonjwa na usalama wao, ili kuongeza ufanisi wa utendaji kazi na kuhakikisha huduma za afya zinaboreka na kumrahisishia mwananchi kupata huduma hizo mahali alipo bila kukiuka maadili ya utendaji kazi katika sekta hiyo kwa kuzingatia sheria, sera na miongozo ya kiafya.

Aidha, Kaimu Mkurugenzi wa TEHAMA Wizara ya Afya Bw. Silvanus Ilomo alisema kituo hicho sio kwa ajili ya Wizara ya Afya pekee hivyo mlango uko wazi kwa Wizara na taasisi mbalimbali za umma kutumia kituo hicho ili kuhakikisha jitihada za Serikali Mtandao nchini zinaimarika katika sekta zote za umma.