Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

WAKUU WA IDARA NA VITENGO VYA TEHAMA SERIKALINI WAASWA KUWASHIRIKISHA WAKAGUZI WA NDANI KATIKA UJENZI WA MIFUMO YA TEHAMA

Sep 29, 2024

Wakuu wa Vitengo na Idara za TEHAMA Serikalini, wametakiwa kuwashirikisha Wakaguzi wa Ndani wa taasisi, katika hatua za awali za ujenzi wa mifumo na miradi ya TEHAMA ili kuhakikisha inazingatia Sheria, Viwango na Miongozo ya Serikali Mtandao.

Wito huo umetolewa jana Mkaguzi wa Ndani Mkuu wa Serikali kutoka Ofisi ya Mkaguzi Mkuu wa Serikali Bw. Benjamin Magai, wakati wa kufunga mafunzo maalum kwa Wakaguzi wa Ndani wa taasisi na mashirika ya umma, yaliyofanyika mkoani Morogoro kuanzia Septemba 23 mwaka huu.

“Kila Mkuu wa Kitengo na Idara ya TEHAMA Serikalini, anapaswa kuhakikisha anawashirikisha Wakaguzi wa Ndani wa taasisi katika hatua zote za ujenzi wa mifumo na miradi ya TEHAMA kuanzia hatua za awali na hata baada ya mifumo hiyo kukamilika ili wakaguzi hao wafanye majaribio kabla ya kuanza kwa matumizi rasmi”, alisisitiza Bw. Magai.

Vilevile, Bw. Magai aliwataka Wakaguzi wa Ndani Serikalinj kuchukua tahadhari kubwa katika matumizi ya mifumo ya TEHAMA ili kuhakikisha usalama wa mifumo pamoja na kuzingatia weledi ili kuzuia udukuzi katika mifumo hiyo.

Naye Mwenyekiti wa washiriki katika mafunzo hayo Bw Frank Kindimba ambaye pia ni Mkaguzi Mkuu wa Ndani wa Chuo cha Sayansi na Teknolojia Mbeya (MUST), ameishukuru Mamlaka ya Serikali Mtandao (e-GA) pamoja na Ofisi ya Mkaguzi Mkuu wa Ndani wa Serikali kwa kuandaa mafunzo hayo ambayo yamewajengea uwezo katika usimamizi wa miradi na mifumo ya TEHAMA Serikalini.

“Kupitia mafunzo haya, washiriki wote tumepata uelewa wa pamoja kuhusu Sheria, Kanuni, Viwango na Miongozo ya Serikali Mtandao na uelewa huu utatusaidia katika kufanya kazi zetu za kikaguzi kwa usahihi zaidi”, alisema Bw. Frank.

Alibainisha kuwa, mafunzo hayo yamekuwa na tija kubwa kwa washiriki kwani wamepata elimu ya usalama wa mifumo na matumizi sahihi na salama ya mifumo ya TEHAMA.

"Tutakaporejea katika vituo vyetu vya kazi tutazingatia matumizi sahihi na salama ya mifumo ya TEHAMA kwani katika mafunzo haya hatujasoma Sheria ya Serikali Mtandao pekee bali pia tumejifunza kuhusu usalama na matumizi sahihi ya mifumo", alisema Bw. Frank.

Mamlaka ya Serikali Mtandao (e-GA) imekuwa ikiendesha mafunzo hayo kwa kushirikiana na Ofisi ya Mkaguzi Mkuu wa Ndani wa Hesabu za Serikali (IAG), ili kuwajengea uwezo Wakaguzi wa Ndani kutekeleza majukumu yao kwa ufanisi kwenye ukaguzi wa miradi na mifumo ya TEHAMA katika taasisi zao na kuhakikisha inakuwa na tija kwa Serikali.