Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

WAKAGUZI WA NDANI WATAKIWA KUZINGATIA VIWANGO NA MIONGOZO YA SERIKALI MTANDAO KATIKA MIRADI YA TEHAMA

Mar 11, 2023

Kaimu Mkaguzi Mkuu wa Ndani wa Hesabu za Serikali (IAG) Mwanyika Semroki, amewataka Wakaguzi wa Ndani kuhakikisha Mifumo ya TEHAMA inayoanzishwa katika Taasisi zao inazingatia miongozo na viwango vilivyowekwa na Mamlaka ya Serikali Mtandao (e-GA).

Mwanyika alitoa kauli hiyo jana wakati akifunga mafunzo maalum ya ukaguzi wa Mifumo na Miradi ya TEHAMA yaliyotolewa kwa Wakaguzi wa Ndani wa halmashauri na Tawala za Mikoa yaliyofanyika kwa siku tano mkoani Morogoro.

“Mnapokwenda kutekeleza majukumu yenu katika Taasisi zenu, lazima muhoji kama Miradi na Mifumo ya TEHAMA pamoja na mahitaji ya mtumiaji (Taasisi) kama yanaendana na viwango na miongozo ya e-GA” alisema.

Mwanyika aliongeza kuwa, Mifumo ya TEHAMA inapaswa kuwa rahisi na rafiki kwa mtumiaji hivyo, kama Mifumo inayotengenezwa katika Taasisi za Umma si rahisi na rafiki kwa watumiaji basi haifai na hivyo inapaswa kuboreshwa.

Aidha, Mwanyika alifafanua kuwa, mafunzo hayo ni muhimu kwa kuwa yatawawezesha Wakaguzi wa Ndani kutekeleza majukumu yao kwa ufanisi na kuisaidia Serikali kuona thamani halisi ya fedha ilizowekeza katika Miradi na Mifumo ya TEHAMA.

Akitoa ufafanuzi kuhusu maoni yaliyotolewa na washiriki wa mafunzo hayo, Mwanyika alisema kuwa, mafunzo hayo yatakuwa endelevu ili kuhakikisha Wakaguzi wa Ndani katika halmashauri na Tawala za mikoa yote wanapatiwa mafunzo hayo.

Kwa upande wake Meneja Udhibiti na Viwango vya Serikali Mtandao Bi. Sultana Seif Alisema kuwa, e-GA kwa kushirikiana na Ofisi ya Mkaguzi Mkuu wa Ndani wa Hesabu za Serikali itahakikisha kuwa Wakaguzi wote wa Nadani katika halmashauri na Tawala za Mikoa wanapata mafunzo hayo kabla ya kuisha mwaka wa fedha 2022/2023.

“Kabla ya mwaka huu wa fedha kuisha, tutahakikisha Wakaguzi wote wa Ndani tunawajengea uwezo wa kukagua Mifumo na Miradi ya TEHAMA ili kuweza kuibua hoja za ukaguzi mapema na kufanyiwa kazi kabla ya Mkaguzi wa nje”, alisema Bi. Sultana.

Akitoa salamu za shukran kwa niaba ya washiriki Mwidikila Lawrence Silanda - Mkaguzi Mķuu wa Ndani Halmashauri ya Sengerema alisema kuwa, Mafunzo hayo yamewasaidia kufahamu namna ya kufanya ukaguzi katika Mifumo na Miradi ya TEHAMA na kupendekeza mafunzo hayo yawe endelevu kulingana na mabadiliko ya teknolojia yanayoibuka mara kwa mara.

Mafunzo ya ukaguzi wa Mifumo na Miradi ya TEHAMA yalitolewa na Mamlaka ya Serikali Mtandao (e-GA) kwa kushirikiana na Ofisi ya Mkaguzi Mkuu wa Ndani wa Hesabu za Serikali (IAGO) kuanzia Machi 6-10 mkoani Morogoro ambapo yalilenga kuwajengea uwezo Wakaguzi wa Ndani katika kukagua Mifumo na Miradi ya TEHAMA katika Taasisi zao.