Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

USHIRIKIANO WA e-GA NA e-GAZ WACHOCHEA MAGEUZI YA KIDIJITALI VISIWANI ZANZIBAR

Mar 18, 2024

Ushirikiano uliopo baina ya Wakala ya Serikali Mtandao Zanzibar (e-GAZ) na Mamlaka ya Serikali Mtandao (e-GA), katika ujenzi wa Serikali Mtandao umetajwa kuwa chachu ya mageuzi ya kidijitali visiwani Zanzibar.

Hayo yamebainishwa na Mkurugenzi Mtendaji wa e-GAZ Bw. Said Seif Said, alipotoa salamu za e-GAZ hivi karibuni wakati wa hafla fupi ya kufunga Kikao Kazi cha Nne cha Serikali Mtandao kilichofanyika katika Ukumbi wa Mikutano wa Kimataifa wa Arusha (AICC) jijini Arusha.

Alisema kuwa, Mkataba wa Makubaliano ya Ushirikiano (MOU) kati ya e-GA na e-GAZ umeleta mageuzi makubwa ya kidijiti kwa upande wa Zanzibar, kwakuwa taasisi hizo zimekuwa zikifanya kazi kwa ukaribu na kushirikiana katika maeneo mbalimbali ya ujenzi wa Serikali Mtandao.

“Tangu tuliposaini MOU na e-GA tumepiga hatua kubwa sana, mabadiliko yamepatikana na yanaonekana, nimpongeze Mkurugenzi Mkuu wa e-GA Mha. Ndomba kwa uongozi mahiri na timu nzima ya e-GA kwa kuonesha ushirikiano nasi ili kuhakikisha na sisi Zanzibar tunafika kidijitali kwa kuhakikisha mambo mazuri yanatokea bara nasi kwetu pia Zanzibar yanatokea”, alisema Bw. Said.

Aliongeza kuwa, Zanzibar inatarajia kuanza kutumia mfumo wa e-Vibali ambapo kwa sasa e-GA inashirikiana na e-GAZ kuhakikisha mfumo huo unaweza kutumika visiwani humo kwakuwa tayari unatumika bara na umeleta mafanikio makubwa tangu ulipoanza kutumika.

“Wiki hii tulikuwa na Katibu Mkuu Kiongozi Zanzibar na moja kati ya jambo lililoonekana zuri na kumfurahisha kiongozi huyo ni namna tunavyoshirikiana na wenzetu e-GA kuhakikisha mfumo huu wa e-Vibali unatumika pia Zanzibar, naomba niwafikishie salamu za Katibu Mkuu Kiongozi anashukuru na kuwapongeza sana e-GA, kwakuwa mmekuwa si wachoyo kwa yale mazuri mnayokuwa nayo mnahakikisha nazi Zanzibar pia tunakuwa nayo”, alisema Bw. Said.

Alisema kuwa, e-GA imekuwa ikitoa msaada wa karibu kwa e-GAZ kuhakikisha ujenzi wa Serikali Mtandao unafanikiwa kwa upande wa Zanzibar ili kuongeza ufanisi wa utendaji kazi Serikalini na kuhakikisha wananchi wanapata huduma za serikali kwa haraka na gharama nafuu mahali walipo.

Alibainisha kuwa, makubaliano ya ushirikiano huo yamesaidia kuleta mabadiliko makubwa katika utendaji kazi na kuongeza ufanisi katika utekekelezaji wa shughuli mbalimbali za Serikali Visiwani Zanzibar.

Aliyataja baadhi ya makubaliano ya ushirikiano kuwa ni pamoja na kusaidiana kitaalamu, kushauriana na kupeana mafunzo baina ya wataalamu wa taasisi hizo mbili ambapo mashirikiano haya yameweza kuonekana katika utengenezaji na uimarishaji wa mifumo mbalimbali.

Aidha, Bw. Said aliipongeza Mamlaka kwa juhudi zilizofanyika na kwa ushirikiano unaoendelea kutolewa wa kuhakikisha Zanzibar inafikia mapinduzi ya uchumi wa kidijitali ikiwemo juhudi za kuhakikisha mfumo wa vibali vya kusafiri nje ya nchi (e -vibali) unatumika Zanzibar.

“Napenda kuwafikishia pongezi na salamu kutoka kwa Katibu Mkuu Zanzibar ambaye amefurahishwa sana kwa jitihada zilizofanyika za kuhakikisha mfumo wa e -vibali unatumika Zanzibar” alisisitiza Bw. Said.

Naye Mkurugenzi Mkuu wa Mamlaka ya Serikali Mtandao (e-GA) Mha. Benedict Ndomba, alisema kuwa e-GA itaendeleza ushirikiano mzuri uliopo na e-GAZ ili kuhakikisha mapinduzi ya TEHAMA Serikalini yanaimarika katika pande zote mbili za muungano na kuwawezesha wananchi kupata huduma bora na rahisi wakati wote mahali walipo.