Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

WAZIRI SIMBACHAWENE AWAPONGEZA WANAFUNZI WABUNIFU SEKTA YA TEHAMA

Sep 18, 2023

Waziri wa Nchi Ofisi ya Rais, Menejimenti ya Utumishi wa Umma na Utawala Bora Mh. George Simbachawene, amewapongeza wanafunzi wa Vyuo Vikuu wanaoshiriki programu maalum ya mafunzo kwa vitendo inayotolewa na Mamlaka ya Serikali Mtandao (e-GA), kwa kubuni mifumo mbalimbali ya TEHAMA, inayosaidia kuongeza ufanisi wa utendaji kazi Serikalini.

Mhe. Simbachawene alitoa pongezi hizo Septemba 18, wakati alipofanya ziara ya kikazi katika Kituo cha Utafiti na Ubunifu wa Serikali Mtandao (eGOVRIDC) jijini Dodoma, ili kufahamu tafiti na bunifu mbalimbali zinazofanywa na vijana wa kitanzania katika kituo hicho.

“Ipo baadhi ya mifumo tunajivunia hadi sasa ikiwemo e-Mrejesho, e-Board, e-Mikutano ambayo inatokana na shughuli za ubunifu na utafiti zilizofanywa na vijana wetu, kutoka katika kituo chetu hiki kwa weledi na utalaamu mkubwa, kazi ambazo hapo awali zilikuwa lazima zifanywe na wataalamu kutoka nje ya nchi,” alisema Simbachawene.

Alisema kuwa, tayari e-GA imetengeneza mifumo mbalimbali inayorahisisha utendaji kazi wa taasisi na Idara za Serikali, hivyo ni muhimu taasisi za umma zikatumia mifumo hiyo ili kuongeza ufanisi wa utendaji kazi katika taasisi zao.

Alisema kuwa, kwa sasa dunia ipo kwenye uchumi wa kidijitali ambapo TEHAMA ni nyenzo muhimu hivyo, Serikali imewekeza na kuweka kipaumbele kwenye matumizi ya TEHAMA kwa kujenga miundombinu na mifumo inayosaidia kuboresha ufanisi wa uendeshaji wa shughuli zake lakini pia kuboresha utoaji wa huduma kwa umma.

“Wizara kupitia e-GA, inasimamia na kukiboresha kituo hiki ili kifanye tafiti mbalimbali hasa kwenye teknolojia mpya kama matumizi ya ‘Blockchain technologies’, Machine Learning, Artificial Intelligence na Internet of Things (IoT) ili na sisi tusibaki nyuma kama Mh. Rais wa Jamhuri ya Muungano wa Tanzania Dkt. Samia Suluhu Hassan alivyoelekeza” aliongeza Simbachawene.

Aidha, aliwataka wanafunzi wanaoshiriki programu maalumu ya mafunzo kwa vitendo inayoendeshwa na kituo hicho kutumia, ujuzi na uzoefu wanaoupata kujikwamua katika soko la ajira ikiwemo kujiajiri na kutengeneza ajira kwa vijana wenzao.

“Nafasi hii mliyopata ni muhimu sana kwenu nyie lakini pia kwa manufaa ya taifa letu, hivyo itumieni kujifunza na kupata ujuzi utakaosaidia kuleta maendeleo kwa taifa letu sambamba na kukuza uchumi wetu”, alisema Simbachawene.

Naye Mkurugenzi Mkuu wa Malamka ya Serikali Mtandao (e-GA) Mha. Benedict Ndomba alisema kuwa, kupitia uwekezaji katika ubunifu, utafiti na mazoezi katika eneo la TEHAMA inawezesha nchi kushindana katika uchumi wa kidijitali kimataifa.

“Kuna mifumo mikubwa na shirikishi ambayo imetoka katika kituo hiki ikiwemo mfumo wa e-Mrejesho ambao tayari umetambuliwa na Benki ya Dunia kama mfumo bora unaotoa ushirikishaji kwa wananchi”, alifafanua Ndomba.