Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

OFISI YA TAIFA YA MASHITAKA YATAKIWA KUTUMIA MIFUMO YA TEHAMA KUIMARISHA UTOAJI HAKI KWA WANANCHI

Aug 24, 2023

Waziri wa Nchi, Ofisi ya Rais, Menejimenti ya Utumishi wa Umma na Utawala Bora Mhe. George Simbachawene, amewataka watumishi wa Ofisi ya Taifa ya Mashitaka (NPS) kutumia Mfumo wa Kielktroni wa Usimamizi na Uendeshaji wa Kesi za Jinai ujulikanao kama ‘Case Management Information System’ (CMIS), ili kuimarisha utendaji kazi na utoaji haki kwa wananchi.

Simbachawene alitoa kauli hiyo jana wakati akikabidhi mfumo wa CMIS na tovuti ya Ofisi ya Taifa ya Mashitaka, kwa Naibu Waziri Katiba na Sheria Mhe. Pauline Philipo Gekul, kwenye hafla fupi ya makabidhiano iliyofanyika katika ofisi za NPS jijini Dodoma.

Alisema, mfumo wa CMIS unalenga kurahisisha utendaji kazi wa Ofisi ya Taifa ya Mashtakakatika kushughulikia, kusimamia na kuendesha kesi za jinai ili kuweka uwazi na kupunguza malalamiko kwa wananchi, juu ya maamuzi mbalimbali yanayotolewa na Mahakama.

“Mpaka sasa zaidi ya kesi za jinai 17,411 zimeshasajiliwa katika mfumo huu ambapo kati ya kesi hizo, kesi 7,361 zimeshafika mwisho na kutolewa hukumu na kesi 10,050 zipo katika hatua mbalimbali za maamuzi, haya ni mafanikio makubwa katika kuboresha utendaji kazi wa Ofisi ya Taifa ya Mashtaka”, alisisitiza.

Alibainisha kuwa, Wizara yake kupitia Mamlaka ya Serikali Mtandao (e-GA) imeendelea kutekeleza maagizo ya Mhe. Rais Dkt. Samia Suluhu Hassan, ya kuhakikisha mifumo ya TEHAMA serikalini inawasiliana na kubadilishana taarifa ambapo, mfumo wa CMIS umekwishaunganishwa kwenye mfumo mkuu wa Serikali unaowezesha mifumo ya TEHAMA serikalini kuwasiliana na kubadilishana taarifa (GovESB).

“Mfumo huu wa CMIS umeshaanza kubadilishana taarifa na mifumo ya baadhi ya taasisi za haki jinai amabazo ni Jeshi la Polisi, Taasisi ya Kuzuia na Kupambana na Rushwa (TAKUKURU) pamoja na Mahakama, na hapa tumetekeleza agizo la Mhe. Rais pamoja na mapendekezo ya Tume ya Haki Jinai ya kutumia mifumo ya TEHAMA katika utoaji haki”, alisema.

Kwa upande wake Naibu Waziri Katiba na Sheria Mhe. Pauline Philipo Gekul alisema, Sekta ya Sheria imejiwekea malengo thabiti katika kuboresha utendaji kazi wake kwa kutumia mifumo ya TEHAMA kupitia program ya e-justice.

“Mfumo wa CMIS utatuwezesha kupata taarifa za kesi mbalimbali zilizoshughulikiwa na hatua zilizofikia na ni kiungo muhimu katika utekelezaji wa majukumu katika Ofisi ya Taifa ya Mashtaka na wadau wote waliopo katika mnyororo mzima wa haki jinai na Sekta ya Sheria kwa ujumla”, alisema.

Aliongeza kuwa, Wizara ya Katiba na Sheria itaendelea kushirikiana na Ofisi ya Rais, Menejimenti ya Utumishi wa Umma na Utawala Bora, kupitia e-GA ili kuhakikisha inajenga mifumo madhubuti ya TEHAMA itakayoimarisha utendaji kazi na kuondoa changamoto mbalimbali za utoaji wa haki zilizopo hivi sasa ili kuhakikisha haki inatendeka kwa wakati.

Mfumo wa CMIS umetengenezwa na Mamlaka ya Serikali Mtandao (e-GA) kwa kushirikiana na Ofisi ya Taifa ya Mashitaka (NPS) ikiwa ni miongoni mwa majukumu ya e-GA ya kuimarisha jitihada za Serikali Mtandao kwa kushirikiana na taasisi za umma.