Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

MHE. NDEJEMBI AZITAKA TAASISI ZA UMMA KUSHIRIKIANA NA e-GA

Feb 18, 2023

Naibu Waziri Ofisi ya Rais, Menejimenti ya Utumishi wa Umma na Utawala Bora Mhe. Deogratius Ndejembi (Mb) amezitaka Taasisi za Umma kushirikiana na Mamlaka ya Serikali Mtandao (e-GA) katika kutengeneza Mifumo ya TEHAMA itakayorahisisha utoaji wa huduma bora kwa Wananchi.

Ndejembi alisema hayo jana, wakati alipofanya ziara ya kikazi ya siku moja kukagua utekelezaji wa majukumu mbalimbali ya Mamlaka, katika Ofisi za e-GA Kanda ya Nyanda za Juu Kusini zilizopo mkoani Iringa.

Aidha, Ndejembi aliipongeza e-GA kutokana na umahiri wake katika utendaji kazi ikiwemo uwezo wa kubuni, kusanifu na kujenga Mifumo mbalimbali ya TEHAMA ambayo imesaidia kuimarisha utendaji kazi wa Taasisi za Umma pamoja na kuboresha utoaji wa huduma bora kwa wananchi.

“Rais wetu Dkt. Samia Suluhu Hassan amekuwa akisisitiza kujenga taifa la kidijitali kwa kuhakikisha huduma zote za Kiserikali zinatolewa kwa njia ya kidijitali, na kuwafikia wananchi wote kwa urahisi na haraka”, alisema Ndejembi na kuongeza kuwa;

“Hata hivyo kuna baadhi ya taasisi za umma zimekuwa na ugumu wa kubadilika kuendana na kasi ya Rais, zinataka kujifanyia mambo kienyeji, natoa wito kwa taasisi hizo kuitumia e-GA katika kujenga Mifumo itakayosaidia upatikanaji wa huduma kwa wananchi kwa haraka”.

Ndejembi alizitaja baadhi ya kazi zilizofanywa na e-GA kwa kushirikiana na taasisi nyingine za umma ambazo zimeleta matokeo chanya kwa taifa kuwa ni pamoja na utengenezaji wa Mfumo wa Malipo ya Serikali Kieletroniki (GePG) ambao umesaidia Serikali kufahamu mapato yanayoingia kila siku kwakuwa malipo yote kwa sasa hufanyika kupitia Mfumo huo.

“Baadhi ya maeneo jiografia yake ni ngumu kutoka eneo la makazi au Kijiji kimoja hadi zilipo ofisi za Halmashauri, na hivyo kuwa changamoto kwa wakazi wa maeneo hayo kupata huduma za serikali kwa urahisi Zaidi, hivyo ni vizuri e-GA ikajenga mifumo itakayorahisisha wakazi wa maeneo yenye changamoto kama hizi kupata huduma mahali walipo pasi na kufika ofisini” alisema Ndejembi.

Kwa upande wake Mkurugenzi Mkuu wa Mamlaka ya Serikali Mtandao (e-GA) Mhandisi Benedict Ndomba, alisema kuwa e-GA ipo tayari kushirikiana na Taasisi zote za umma katika ujenzi na usamimizi wa Mifumo ya TEHAMA ambayo itasaidia kuboresha utendaji kazi katika Taasisi hizo na utoaji wa hudumma kwa wananchi.

“Tutaendelea kushirikiana na Taasisi za Umma ili kuhakikisha huduma kwa wananchi zinatolewa kwa urahisi, haraka na gharama nafuu pamoja na kuboresha ufanisi na utendaji kazi katika Taasisi hizo”, alisema Ndomba.