Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

MFUMO WA NGAO KUIMARISHA ZAIDI USALAMA WA MIFUMO YA TEHAMA SERIKALINI

Nov 07, 2024

Mamlaka ya Serikali Mtandao (e-GA), imetengeneza Mfumo wa Usalama wa Kidigitali wa Uthibitishaji wa vipengele vingi ujulikanao kama NGAO, utakaotumika kuhakikisha usalama wa ziada wa taarifa muhimu kwa watumiaji wa mifumo ya Serikali.

Mkurugenzi wa Udhibiti na Usalama wa TEHAMA Mamlaka ya Serikali Mtandao (e-GA) Bw. Sylvani Shayo amesema, mfumo wa NGAO unalenga kuhakikisha watumiaji wanaweza kufikia mifumo ya Serikali kwa njia salama zaidi, kupunguza hatari za udukuzi na matumizi mabaya ya taarifa za serikali.

Bw. Shayo ameeleza kuwa, mfumo wa NGAO unatumia programu ya ‘NGAO Authenticator’ inayotengeneza nenosiri (nywila) ya mara moja (One-Time Password - OTP), kwa kila uthibitisho wa mtumiaji ambayo itasaidia kuimarisha usalama wa watumiaji kwa kutoa tabaka lingine la ulinzi zaidi ya baruapepe ya mtumiaji na nenosiri.

“ Kila mtumiaji wa mifumo ya TEHAMA, hupaswa kuweka baruapepe anayotumia na nenosiri kila anapotaka kuingia kwenye mfumo, hii ni hatua ya awali na ya kawaida lakini kupitia mfumo huu wa NGAO kutakuwa na hatua ya pili baada ya kuingia kwenye mfumo, mtumiaji atahitaji kuthibitisha utambulisho wake kwa kutumia njia nyingine, kama vile kupitia ujumbe mfupi (SMS) kwenye simu yake ya kiganjani”, amesema Shayo.

Amebainisha kuwa, mfumo wa NGAO utasaidia kupunguza hatari za udukuzi kupitia njia za kawaida za nenosiri kwa kuhitaji uthibitisho wa ziada pamoja na kujenga uaminifu wa watumiaji kwakuwa taarifa zao zinahifadhiwa kwa usalama na zinaweza kufikiwa tu na watu waliothibitishwa.

“Umuhimu wa NGAO ni mkubwa sana katika kulinda taarifa nyeti za Serikali na kutoa mazingira salama kwa watumiaji wa mifumo ya Serikali na hivyo kumuwezesha anayehusika tu na taarifa hizo kuweza kuzifikia” amesisitiza Shayo.

Ameongeza kuwa, mfumo huo unawawezesha watumiaji wa mifumo ya Serikali kupokea taarifa kwenye simu zao za kiganjani kila wanapojaribu kuingia kwenye mfumo, na kupewa nafasi ya kukubali au kukataa ombi la kuingia, lakini pia kupokea taarifa za uthibitisho kwenye laini za simu bila hitaji la mtumiaji kuwa na mtandao wa intaneti.

Kwa sasa, mfumo wa NGAO unatumiwa kwa majaribio na Mamlaka ya Serikali Mtandao (e-GA) pekee katika Mfumo wa Ofisi Mtandao (e-Office) na Mfumo Shirikishi wa Kusimamia Shughuli na Rasilimali za Taasisi (ERMS), huku malengo yakiwa ni kuongeza matumizi ya mfumo huo katika mifumo mingine ya Serikali ili kuhakikisha usalama wa taarifa na kuimarisha ufanisi katika shughuli za Serikali Kidijitali.