Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

MAMLAKA YA SERIKALI MTANDAO (e-GA) NA CHUO KIKUU MZUMBE WASAINI HATI YA MAKUBALIANO (MOU) KUIMARISHA SEKTA YA TEHAMA NCHINI

Nov 03, 2023

Mamlaka ya Serikali Mtandao (e-GA) na Chuo Kikuu Mzumbe, wamesaini hati ya makubaliano (MOU) ya ushirikiano katika masuala ya elimu, utafiti, na maendeleo ya Teknolojia ya Habari na Mawasiliano (TEHAMA), ikiwa ni hatua inayolenga kuimarisha na kukuza tasnia ya TEHAMA ili kuboresha jitihada za Serikali Mtandao sambamba na kuimarisha uhusiano uliopo katika taasisi hizo.

Hafla ya utiaji saini wa makubaliano hayo, imefanyika hivi karibuni katika ofisi za Chuo Kikuu Mzumbe mkoani Morogoro, na kushuhudiwa na baadhi ya watumishi wa taasisi zote mbili pamoja na waandishi wa habari.

Akizungumza baada ya kusaini makubaliano hayo, Mkurugenzi wa Huduma za Uwezeshaji e-GA, CPA. Salum Mussa, alisema kuwa makubaliano hayo yanalenga kuongeza tija katika kukuza na kuimarisha tasnia ya TEHAMA, ikiwa ni pamoja na kutoa fursa kwa wanafunzi wa tasnia hiyo wa Chuo Kikuu Mzumbe kujifunza kwa vitendo kupitia program maalum inayotolewa na e-GA katika Kituo cha Utafiti, Ubunifu na Uendelezaji wa Serikali Mtandao (e-GovRIDC).

“Pamoja na fursa hiyo kwa wanafunzi, pia ushirikiano wetu na Chuo Kikuu Mzumbe utaimarika zaidi na tunatarajia bunifu nyingi za TEHAMA zitaibuliwa kupitia Kituo chetu cha Utafiti, Ubunifu na Uendelezaji wa Serikali Mtandao (e-GovRIDC), kwakuwa tutapata nafasi ya kushirikiana na wataalamu katika tafiti na bunifu mbalimbali kutoka Chuo Kikuu Mzumbe”, alisema Bw. Salum.

Alifafanua kuwa, Mamlaka imedhamiria kuwaleta wataalamu na watafiti mahiri katika masuala ya TEHAMA kutoka Chuo Kikuu Mzumbe, ikiwa ni pamoja na Madaktari na Maprofesa wa masuala ya TEHAMA, ili kushirikiana nao kwenye miradi ya bunifu inayozalishwa katika kituo hicho, ambapo wataalamu hao wataweza kutoa ushauri wa namna ya kutatua changamoto mbalimbali ili kuwa na Serikali Mtandao yenye tija.

Naye, Kaimu Makamu Mkuu wa Chuo Kikuu Mzumbe, Profesa William Mwagoha, alisema kuwa makubaliano hayo yanaweka msisitizo mkubwa kwenye masuala ya ufundishaji na utafiti ili kuhakikisha wanafunzi wa TEHAMA katika chuo hicho wanajengewa uwezo wa kutumia teknolojia mpya zinazoibuka kwa maendeleo ya taifa letu.

"Tunaangazia kuboresha jinsi tunavyotoa elimu kwa wanafunzi wetu wa fani ya TEHAMA, kwa kuwa ushirikiano huu utasaidia kuonesha maeneo ambayo tunatakiwa kuweka msisitizo au kuboresha zaidi ili kuwa na wataalamu wazuri kwenye eneo la TEHAMA, lakini pia itasaidia chuo kuwa na programu zaidi za elimu kwa njia ya mtandao.," alisema Profesa Mwagoha.

Profesa Magoha alibainisha kuwa, utafiti utakuwa eneo muhimu la ushirikiano kati ya Chuo Kikuu Mzumbe na e-GA, ambapo Watafiti kutoka e-GA watashirikiana na wenzao wa chuo hicho katika kutatua changamoto za kiteknolojia na kubuni mifumo ya TEHAMA inayoweza kutumika Serikalini ili kuongeza ufanisi wa utendaji kazi na kurahisisha upatikanaji wa huduma kwa wananchi.