Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

e-GA IMELETA MAGEUZI YA KIDIJITALI SERIKALINI: DKT. SAID MOHAMMED KATIBU MTENDAJI NECTA

Sep 10, 2024

Katibu Mtendaji wa Baraza la Mitihani Tanzania (NECTA) Dkt. Said Mohammed, ameipongeza Mamlaka ya Serikali Mtandao (e-GA) kwa jitihada inazofanya, katika mageuzi ya kidijitali Serikalini, jambo ambalo limechangia kuboresha utoaji wa huduma kwa wananchi.

Dkt. Mohammed amesema hayo hivi karibuni ofisini kwake jijini Dar es Salaam, wakati alipofanya mahojiano maalum na mwandishi wetu kuhusu mchango wa e-GA katika mapinduzi ya kidijitali kwenye taasisi za umma.

Amesema kuwa, NECTA inajivunia sehemu kubwa ya mafanikio ya utoaji wa huduma katika kipindi cha miaka 50 tangu kuanzishwa kwake mwaka 1973, kutokana na matumizi ya TEHAMA ambayo yamechagizwa na Mamlaka ya Seriikali Mtandao (e-GA).

“Kuanzishwa kwa Mamlaka ya Serikali Mtandao (e-GA), kumechagiza matumizi ya TEHAMA katika Baraza la Taifa la Mitihani kwenye utoaji wa huduma mbalimbali, kwa watahiniwa ikiwemo hatua za awali za uendeshaji wa mitihani kama vile usajili na utoaji wa vyeti kwa watahiniwa”, amefafanua Dkt. Said.

Ameeleza kuwa, NECTA inafaidika na Mfumo wa Ofisi Mtandao (e-Office) ambao umesaidia katika utendaji wa shughuli mbalimbali za ndani za taasisi kwa kuongeza ufanisi, kwani mzunguko wa majalada hufanyika kwa urahisi na haraka na hivyo kurahisisha utoaji huduma kwa umma.

Ameongeza kuwa, NECTA imekuwa ikitumia Mfumo wa Kujisajili kupitia Mtandao (e-Service), Mfumo wa kuomba cheti mbadala kupitia mtandao na Mfumo wa kundaa matokeo na ripoti ili kusaidia watahaniwa kupata huduma kwa haraka mahali walipo.

Amebainisha kuwa, NECTA hushirikiana na e-GA katika ujezi wa mifumo ya kielektroniki ambayo hutumika katika utendaji kazi na utoaji wa huduma kwa wananchi kwa ufanisi na wakati .

“Sisi NECTA tumekuwa tukishirikiana na e-GA katika ujenzi wa mifumo lakini pia tunashirikiana katika kujengeana uwezo kupitia mafunzo mbalimbali yanayoandaliwa na e-GA yenye lengo la kutusaidia katika usimamizi na usalama wa taarifa (data) kwani, sisi NECTA tumekuwa tukizalisha na kuchakata taarifa nyingi kutokana na Idadi kubwa ya watahaniwa tunaokuwa nao”, amesisitiza Dkt. Said

Ameongeza kuwa, kutokana na mabadiliko ya sayansi na teknolojia, Taasisi za Umma hazina budi kwenda sambamba na mabadiliko hayo kwa kuwekeza zaidi kwenye eneo la TEHAMA na kuimarisha usalama wa taarifa mtandaoni, nyaraka na mifumo kwa ujumla.

“Ni lazima sisi kama watendaji tuwe tayari kubadilika na kuendana na kasi hiyo kwa kufanya uwekezaji zaidi kwenye TEHAMA na kuangalia usalama wake” Amesema Dkt. Mohammed

Ameongeza kuwa, NECTA imedhamiria kuhakikisha huduma zote zinatolewa kupitia mtandao ikiwemo ufundishaji (e- Teaching na e-Learning) pamoja na utahini kupitia mtandao (e assessment).

“Kutokana na mafanikio tunayoyapata kupitia e-GA, NECTA itandeleza ushirikiano mzuri uliopo ili tuweze kufikia malengo ya taasisi na kurahisisha utoaji wa huduma za umma kwa wepesi na ufanisi zaidi”, amesema Dkt. Said.

Naye Mkurugenzi Mkuu wa Mamlaka ya Serikali Mtandao (e-GA) Mhandisi, Benedict Ndomba amepongeza jitihada zinazofanywa na NECTA katika matumizi ya TEHAMA kwenye utendaji kazi wake na utoaji wa huduma kwa wananchi.

Ndomba amesema kuwa, NECTA ni moja kati ya taasisi zilizofanya mageuzi makubwa katika utoaji wa huduma kidijitali na hivyo kuongeza ufanisi wa utoaji wa huduma hizo.

Ndomba ametoa rai kwa Taasisi za Umma kuwekeza katika TEHAMA kutumia mifumo ya kielektroniki katika utoaji wa huduma kwa wananchi ili kuongeza tija na ufanisi katika utendaji kazi.