Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

Taasisi za Umma Zashauriwa Kuweka Taarifa za Miradi Ya TEHAMA Kwenye Mfumo wa Serikali wa kusimamia Miradi (GIP)

May 27, 2019

Mkuu wa sehemu ya Usimamizi wa Miradi na Programu za Serikali Mtandao Bw. Nassor Laizer amezishauri taasisi za umma kuweka taarifa za miradi yao ya TEHAMA iliyopo kwenye mipango, miradi inayoendelea na iliyokamilika kwenye Mfumo wa Ukusanyaji wa Taarifa za Miradi na Rasilimali za TEHAMA Serikalini (GIP) unaopatikana kupitia https://gip.gov.go.tz/

Ushauri huo umetolewa wakati wa kikao cha pamoja na wataalam wa TEHAMA kutoka Wakala ya Serikali Mtandao na Wizara ya Afya, Maendeleo ya Jamii, Jinsia, Wazee na Watoto pamoja na taasisi zake kilichofanyika Dodoma hivi karibuni.

Ameongeza kuwa, ‘GIP’ ni zana kuu ya kukusanya na kusimamia taarifa kuhusu miradi ya TEHAMA, mifumo, miundombinu na taarifa za TEHAMA za kitaasisi ambao unasaidia katika kuimarisha uwazi wa utekelezaji wa Serikali Mtandao kwenye taasisi za umma na kupunguza urudufu wa juhudi za Serikali Mtandao na kusaidia utumiaji wa rasilimali shirikishi.

“ Mfumo huu wa ‘GIP’ ni hazinadata ya pamoja ya jitihada za Serikali Mtandao na taarifa za miradi zikiwekwa kwa usahihi inakuwa rahisi kuona na kupima malengo yaliyokusudiwa kwa kuwa miradi hiyo itawekwa kwenye mpango wa utekelezaji na hivyo usimamizi, ufuatiliaji na udhibiti wake unakuwa rahisi, Pia itairahisishia Serikali kufanya uamuzi sahihi kuhusu miradi hiyo”. Ameeleza Bw. Laizer.

Aidha Bw. Laizer amesema, miradi mingi imekuwa ikishindwa kufikia malengo kwa sababu ya kutokuwa na udhibiti wa viwango na mikakati imara na endelevu ya kuhakikisha matokeo ya miradi hiyo yanakuwa chanya.

Vilevile amesema, taasisi za umma zinapaswa kuweka taarifa za rasilimali watu, vianzi laini na rasilimali nyingine muhimu zitakazosaidia uendeshaji wa programu mbalimbali za Serikali mtandao kwa ufanisi na tija.

Naye Kaimu Mkurugenzi kutoka Bohari ya Dawa Bw. Paschal Pastory amezishauri taasisi za umma ambazo bado hazijaweka taarifa zao za Miradi ya TEHAMA kuziweka kwenye mfumo wa GIP ili kufikia malengo yaliyokusudiwa.

“Kwa kweli naipongeza eGA kuja na mfumo huu wa GIP kwa kuwa ni mfumo mzuri na tumekuwa tukiona matokeo ya miradi mbalimbali na kwa sasa suala la miradi kusuasua na kutofikia mwisho halipo tena”, amesema Bw. Pastory.