Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

Kamati ya Bunge Yaipongeza e-GA

Oct 30, 2019

Makamu Mwenyekiti wa Kamati ya kudumu ya Bunge, Tawala na Serikali za Mitaa Mhe. Mwanne Ismail Nchemba amesema Serikali inaitegemea Wakala ya Serikali Mtandao (e-GA) kubuni zaidi njia za kurahishisha utendaji wa shughuli za Serikali kwa kutumia TEHAMA.

Mhe. Nchemba amesema hayo wakati wa kikao cha pamoja kati ya Kamati ya Kudumu ya Bunge, Tawala na Serikali za Mitaa na Mejimenti ya Wakala kilichofanyika tarehe 30 Oktoba, 2019 Makao Makuu ya ofisi za Wakala zilizopo mji wa Serikali Mtumba, Jijini Dodoma.

“Sisi kama Kamati tunawapongeza na tunatambua jitihada mnazofanya katika kuhakikisha Serikali inakuwa ya kimtandao ili kupunguza gharama za uendeshaji kwa Serikali na kutoa huduma kwa umma mahali popote na kwa gharama nafuu” Amesema Mhe. Mwanne Ismail Nchemba.

Aidha, Kamati hiyo kwa jumla imetoa pongezi kwa Wakala kwa kazi inazofanya hasa za kuhakikisha Serikali inatumia Teknolojia ya Habari na Mawasiliano yaani TEHAMA katika ukusanyaji mapato na kupunguza gharama za utoaji huduma kwa umma.

Naye Waziri wa Nchi, Ofisi ya Rais, Utumishi wa Umma na Utawala Bora, Mhe. Kapt. (Mst) George H. Mkuchika (Mb) amewataka watumishi wa Wakala kuongeza bidii zaidi katika kazi kwa kuwa dunia ya sasa inategemea sana TEHAMA katika utendaji kazi.

“Tambueni kuwa Serikali Mtandao imesaidia katika ukusanyaji wa mapato Serikalini na kadiri mapato yanavyoongezeka, ndivyo Serikali inavyoweza kuwahudumia wananchi kwa urahisi na kwa wakati” ameongeza Mhe. Mkuchika.

Pia amesisitiza kuwa watumishi wa Wakala wanatakiwa kutambua kuwa nafasi yao ni kubwa katika kufikia malengo ya Wakala na azma ya Serikali ya kutumia TEHAMA katika shughuli zake mbalimbali.

Naye Mtendaji Mkuu wa Wakala ya Serikali Mtandao, Dkt. Jabiri Kuwe Bakari ameiambia Kamati hiyo kuwa kwa kutumia wataalamu wa ndani, Wakala imetengeneza mifumo mbalimbali kama vile Mfumo wa Ukusanyaji Mapato Kielektroni (GePG), Mfumo wa Ofisi Mtandao (e-Office), Mfumo wa Baruapepe Serikalini (GMS), Mfumo Shirikishi wa Kusimamia Shughuli na Rasilimali za Taasisi (ERMS), Mfumo wa Vibali vya Kusafiri Nje ya Nchi (e-Vibali) pamoja na mifumo mingine ili kurahisisha utendaji kazi Serikalini na utoaji huduma kwa umma.

Vilevile, Mkurugenzi wa Uratibu wa Miundombinu ya TEHAMA Bw. Benjamin Dotto amesema kuwa Wakala hiyo imeunganisha kwa data na sauti Wizara, Idara Zinazojitegemea, Wakala na Mamlaka za Serikali za Mtaa katika Mtandao mmoja wa Mawasiliano wa Serikali ambao ni salama na mtandao huo umeunganishwa katika Mkongo wa Taifa wa Mawasiliano.

Amesisitiza mbele ya Kamati hiyo kuwa, Wakala ina wataalamu wa ndani wanaofuatilia mtandao huo kwa karibu na inapobainika tatizo au changamoto yoyote wataalam hao hushughulikia kwa haraka ili kutoathiri utendaji kazi.