Mamlaka ya Serikali Mtandao

Uadilifu na Ubunifu kwa Utoaji Huduma Bora kwa Umma

TAASISI YENYE VIWANGO VYA ISO 9001: 2015

Kuhusu Sisi

Tunafanya Nini Sisi ni nani Wateja Wetu Kutoka kwa Mkurugenzi Mkuu Bodi ya Wakurugenzi

Mamlaka ya Serikali Mtandao ni taasisi ya umma iliyoundwa kwa Sheria ya Serikali Mtandao Na. 10 ya mwaka 2019 ili kuratibu, kusimamia na kukuza jitihada za Serikali Mtandao na kuhimiza utekelezaji wa Sera, Sheria, Kanuni, Viwango na Miongozo ya Serikali Mtandao kwa taasisi za umma.
Mifumo na Huduma

Mifumo na Huduma

Huduma zetu zimesanifiwa na kutengenezwa na watalamu wetu kwa lengo la kuandaa mazingira wezeshi kwa taasisi za umma ili kutumia miundombinu na mifumo shirikishi ya pamoja kwa utoaji huduma bora kwa umma.
Huduma Mtandao

Serikali kwa Serikali Serikali na Wananchi Serikali na Wanafunzi Serikali na Watumishi Serikali na Biashara

Serikali imeboresha na inaendelea kuboresha miundombinu na mifumo ya TEHAMA ili kurahisisha utoaji wa huduma kwa njia ya mtandao kwa umma kwa uwazi na kwa gharama nafuu.
Kituo cha Habari

Habari Hotuba Taarifa kwa Umma Maktaba ya Video Maktaba ya Picha Makala Matangazo Kutoka Magazetini

Sehemu hii inakupa Hotuba, Taarifa kwa umma, Maktaba ya Video na Picha, Habari, Kutoka Magazetini na Makala, Video na Picha za Matukio mbalimbali.
Ununuzi

Taarifa ya Matarajio ya Ununuzi

e-GA inanunua huduma au bidhaa zenye ubora, kwa wakati na kwa gharama nafuu ili kukidhi mahitaji yake kwa kuzingatia Sheria ya ununuzi Na.7 ya mwaka 2011 na Kanuni zake za mwaka 2013
Machapisho

Machapisho

Menyu hii imesheheni machapisho ya Sera, Sheria, Mpango Mkakati, Kanuni, Mkataba kwa Mteja, Fomu, Majarida na Ripoti mbalimbali.
Miongozo na Viwango

Miongozo na Viwango

Miongozo na Viwango vya Serikali Mtandao vimetayarishwa na kuwekwa hadharani kwa lengo la kusaidia taasisi za umma na wadau wengine kutoa huduma za serikali mtandao zinazoaminika na kwa gharama nafuu zaidi.
Kikao Kazi

Kikao Kazi

Kikao Kazi cha Serikali Mtandao kinalenga kuonesha jitihada mbalimbali za Serikali Mtandao zilizofanyika, zinazoendelea na zilizopangwa kufanyika ndani ya Serikali na kubainisha changamoto na fursa zilizopo na kuzitafutia ufumbuzi.
Mafunzo

Mafunzo

e-GA inatoa mafunzo mbalimbali ya kuwajengea uwezo Maofisa TEHAMA na watumishi wengine wa Umma ili kurahisisha utekelezaji wa jitihada za Serikali Mtandao nchini Tanzania.
Blog

Blog

Blogu hii imetengenezwa ili kueleza huduma na matukio mbalimbali ya Serikali Mtandao
Wasiliana Nasi
Mrejesho
Maswali Yaulizwayo Mara kwa Mara
Dark Mode
English
Kiswahili

Taasisi za Umma 20 kutumia huduma ya “GovNet” Kuanzia Mei1, 2015

Apr 27, 2015

Mtendaji Mkuu wa Wakala ya Serikali Mtandao (eGA) Dkt. Jabiri Bakari amewataka wakandarasi wa mradi wa Mtandao wa Serikali (GovNet) kuhakikisha huduma hiyo inapatikana kwa takriban taasisi 20 za Umma zilizoonesha utayari wa kuanza kutumia Mfumo wa Mtandao wa Serikali kuanzia Mei 1, 2015.

Dkt. Bakari amesema hayo wakati wa kikao cha wadau wa “GovNet” kutoka Wizara, Idara zinazojitegemea na Wakala za Serikali kilichofanyika Aprili 27, 2015 katika hoteli ya Giraffe Ocean View, Jijini Dar es Salaam.

Akizungumza kwenye kikao hicho, Dkt. Bakari amesema mradi huo una sehemu tatu “GovNet Phase I,II na III” ambazo zinahusisha mambo mbalimbali kama vile uwekaji wa “Bandwidth” ya Serikali, “Network”, kurekebisha na kuweka “LANs”,kwa Wizara, Idara na Wakala za Serikali, ufungaji wa “IP PBX” na “IP Phones”.

“Taasisi za Serikali zipatazo 72 zimeshaunganishwa na Halmashauri 77 zitaunganishwa kwenye mradi huo. Wizara ishirini na sita (26) zitaunganishwa kwenye Mtandao wa Serikali wa ndani (LANs), na takriban Wizara, Idara na Wakala za Serikali 60 nazo zitaunganishwa mwishoni mwa Aprili, 2015”, alisema Dkt. Bakari.

Ameongeza kuwa mradi huo utazisaidia taasisi za Umma kuwa na mawasiliano yaliyo salama, utaipunguzia Serikali gharama za simu na kuongeza kasi ya “bandwidth” katika kutekeleza majukumu yao ya kuwahudumia wananchi.

Vilevile Dkt. Bakari amesema mradi wa Govnet ukikamilika, tovuti zote zenye taarifa zisizofaa pamoja na mitandao ya kijamii havitapatikana kwenye kompyuta ya mtumishi yeyote wakati wa saa za kazi ili kutoa nafasi kwa watumishi kutekeleza wajibu wao kwa ufanisi.

Naye Meneja wa Idara ya Mtandao wa Serikali Bw. Ricco Boma amesema,lengo la kukutana na wadau hao ni kuweza kutoa taarifa kuhusu kile kilichofanyika na kinachoendelea kufanyika katika mradi huo, kuwapa taarifa kuhusu miradi mingine inayokuja , kuwawezesha wadau kukutana na wakandarasi wanaotekeleza mradi huo na pia kuendeleza ushirikiano mzuri kati ya Wakala na taasisi nyingine za Umma.

Akizungumzia changamoto zilizopatikana wakati wakitekeleza mradi huo kwa awamu ya kwanza na pili, Bw. Boma amesema zipo baadhi ya taasisi za Serikali ambazo muda wa kazi ukiisha hufunga ofisi bila kujali umuhimu wa kazi inayofanywa na wakandarasi, vilevile baadhi ya watumishi wanaohudhuria mafunzo kutokuwa tayari kuwasilisha maarifa au ujuzi walioupata kwa maafisa wengine.

“Baadi ya taasisi za Serikali hufunga ofisi mara baada ya muda wa kazi kumalizika hali inayofanya utekeliezaji wa mradi wa GovNet kuwa mgumu”, alisema Bw. Boma.

Mshiriki kutoka Wakala wa Ufundi na Umeme (TEMESA) Bw. Victor Rweyemamu amesema mradi wa GovNet ni muhimu kwa kuwa utarahisisha utekelezaji wa shughuli za Serikali na kuwahudumia wananchi kwa wakati.

Naye Afisa TEHAMA kutoka Tume ya Mipango, Bi. Catherine Mlimbila amesema Mtandao wa Serikali ni muhimu kwa kuwa utarahisisha mawasiliano kwa taasisi za Umma pamoja na kuleta usalama wa taarifa za Serikali.

Kikao hicho cha wadau kiliandaliwa na Wakala ambapo mada kuhusu utekelezaji wa Serikali Mtandao iliwasilishwa pamoja na ripoti ya Utekelezaji wa mradi wa Mtandao wa Serikali (GovNet).