Mamlaka ya Serikali Mtandao ilianzisha Mtandao wa Mawasiliano Serikalini (GovNet) ambao ni salama, rahisi na wenye kuaminika kwa ajili ya kurahisisha mawasiliano ndani ya Serikali.

Kutokana na jitihada hizo, Wizara, Idara na Wakala 72, Mamlaka za Serikali za Mitaa 77 katika mikoa 20 ya Tanzania Bara na taasisi za umma 18 zilizopo mji wa Serikali Mtumba Jijini Dodoma zimeunganishwa kwenye mtandao huo. Nyingine ni hospitali za mikoa, Ofisi za Sekretarieti za Mikoa, Halmashauri za Wilaya na Manispaa au Jiji.

Awamu ya pili taasisi hizo 72 ziliunganishiwa Mawasiliano ya ndani na “IP PBX”na “IP Phones” ambazo ni aina ya simu zenye uwezo mkubwa, ubora wa mawasiliano na hazina gharama za ziada.

Kwa kutambua umuhimu wa Mtandao huo, Mamlaka ya Serikali Mtandao ilianzisha Kituo cha Uendeshaji Mtandao (Network Operating Centre-NOC) kinachofanya kazi wakati wote (24/7) kwa lengo la kusimamia na kushughulikia hitilafu na matatizo mtandao huo.